‘‘Talim Media Group’’ kompaniyasi oʻqituvchilarning taʼlim sohasida axborot-kommunikatsiya texnologiyalarini rivojlantirishga qoʻshayotgan hissasini eʼtirof etish hamda ommalashtirish, pedagogik innovatsiyalarni qoʻllab-quvvatlash va ragʻbatlantirish maqsadida Oʻzbekiston Respublikasi oʻqituvchilari uchun‘‘Novator o’qituvchi – 2023’’  tanlovini tashkil etdi va oʻtkazdi.

    Tanlovda umumiy o‘rta ta’lim muassasalarida mehnat faoliyatini amalga oshiruvchi, kamida 1 yillik ish tajribasiga ega bo‘lgan pedagoglar ishtirok etishlari mumkin edi.

    ‘‘Novator o’qituvchi – 2023’’ tanlovi 07.03.2023 – 25.05.2023 kunlari onlayn tarzda o‘tkaziladi.

     Ishtirokchilar quyidagi mezonlar bo‘yicha baholandi:   

    1. Muvofiqlik. Darsda raqamli resurslardan foydalanishning o‘ziga xosligi, ularning darsni maqsad va vazifalariga muvofiqligi.

    2. O‘qituvchining uslubiy kompetensiyasi. Dars o‘tish usuli va uslublarining o‘quvchilar maqsadlari va yoshiga mosligi.

    3. Samaradorlik. Sinfdagi o‘quvchilarning darsga qiziqishi, faolligi/passivligi, individual-differensial yondashuvlardan faol foydalanish, o‘quvchilarning o‘quv materiallarini tushunishi.

    4. Prezentativlik. Videotasvirning o‘ziga xosligi va sifati, o‘z-o‘zini namoyon qilish, nutqi, o‘qitish uslubi, o‘qituvchi va o‘quvchilar o‘rtasidagi o‘zaro hamkorlik muhiti.

Tanlovga arizalar Telegram messenjeri va Google formasi orqali qabul qilindi.

Ushbu ma’rifiy tanlov Respublika o‘qituvchilarida katta qiziqish uyg‘otib, o‘qituvchilarga o‘z kasbiy mahoratini namoyish etish, o‘z pedagogik tajribalari bilan o‘rtoqlashish, o‘z maktabining nufuzini oshirish, shaxsiy portfoliosini yaxshilash va albatta munosib sovrinlarni qo‘lga kiritish imkonini berdi.

1000 dan ortiq ishtirokchilar orasidan 21 nafar o‘qituvchi tanlandi va taqdirlandi:
 

1-o‘rin

Toshkent viloyati, Ohangaron shahar ixtisoslashtirilgan maktab-internati kimyo fani o‘qituvchisi Ataboyeva Dilfuza Nematullayevna

2-o‘rin

Toshkent shahar, Yunusobod tumani 274-umumiy ta'lim maktabi ona tili va adabiyot fani o'qituvchisi Nabiyeva Kamola Kabulova

2-o‘rin

Toshkent viloyati, Qibray tumani 2-sonli IDUM boshlang‘ich sinf o‘qituvchisi Raximova Irodaxon Abdujalalovna

3-o‘rin

Navoiy viloyati, Uchquduq tumani 20-umumiy o‘rta ta'lim maktabi boshlang‘ich sinf o‘qituvchisi Alimova Muhabbat Toshtemirovna

3-o‘rin

Toshkent shahar, Yunusobod tumani 220-umumiy o‘rta ta'lim maktabi kimyo-biologiya fani o‘qituvchisi Akbarova Saidaxon Rustamovna

Maxsus sovnir egasi

Toshkent shahar, Uchtepa tumani 238-umumiy o‘rta ta'lim maktabi jismoniy tarbiya fani o‘qituvchisi Yaxyayeva Dilmurod Karimovichning yuborgan ishi hakamlar hay'ati tomonidan alohida e'tiborga loyiq deb topildi hamda rag‘batlantiruvchi esdalik sovg‘asi berishga qaror qilindi.

    Yaqin orada “Talim Media Group” kompaniyasi yana turli xil qiziqarli tanlovlar o‘tkazishni rejalashtirgan, tanlov g‘oliblari qimmatbaho sovg‘alar va sertifikatlar bilan taqdirlanadi.

    Ijtimoiy tarmoqlardagi sahifalarimizga obuna bo‘ling va yangiliklarimizni o‘tkazib yubormang!